Sansar News
काठमाडौं । नेपालमा कोरोनाबाट थप ११९ जना संक्रमित भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४,०८४ नमुना परीक्षणमा ११९ संक्रमित थपिएका हुन् ।
आज थपिएका ११९ जनासँगै नेपालमा हालसम्म कोरोना संक्रमित हुनेको संख्या ९ लाख ९९ हजार ४६ पुगेको छ भने आज निको भएका १३० जनासँगै हालसम्म ९ लाख ८४ हजार ८४० जना निको भइसकेका छन् ।
त्यस्तै पछिल्लो २४ घण्टामा कोरोनाबाट मृत्यु हुनेको संख्या शून्य रहेको छ । नेपालमा हालसम्म १२ हजार १५ जनाले ज्यान गुमाइसकेका छन् ।
त्यस्तै हालसम्म २१९१ जना सक्रिय संक्रमित रहेका छन् । ती मध्ये २ हजार ११९ जना होम आइसोलेशनमा, ७२ जना संस्थागत र १९ जना आइसीयुमा रहेका छन् भने १ जना भेन्टिलेटरमा उपचाररत छन् ।
वि.सं.२०७९ भदौ २९ बुधवार १७:१७ मा प्रकाशित
