Sansar News
काठमाडौं । नेपाली कांग्रेसका नेता विजयराज घिमीरेको ५४ वर्षको उमेरमा निधन भएको छ ।
नेपाली कांग्रेसको केन्द्रीय लेखा समितिका पूर्वसदस्य तथा पाल्पाका पूर्व महासमिति सदस्य घिमीरेको बिहीबार राति ८ः१५ मा ललितपुरको मेडिसिटी अस्पतालमा उपचारका क्रममा निधन भएको बताइएको छ । घिमीरे लामो समयदेखि क्यान्सर रोगबाट पीडित थिए ।
२०५६ र २०७४ को आमनिर्वाचनमा पाल्पा जिल्ला प्रतिनिधिसभा निर्वाचन क्षेत्र नं. १ मा पार्टीको तर्फबाट उम्मेदवार समेत रहेका थिए ।
नेपाली कांग्रेसको संगठन निर्माण र नेपालको लोकतान्त्रिक आन्दोलनहरुमा सक्रिय भूमिका निर्वाह गरेका घिमीरेको निधनबाट पार्टीले एक होनाहार युवा नेतृत्वलाई गुमाएको भन्दै नेपाली कांग्रसले दुःख व्यक्त गरेको छ ।
त्यसैगरी घिमीरेको निधनप्रति कांग्रेसका सभापति तथा प्रधानमन्त्री प्रधानमन्त्री शेरबहादुर देउवाले पनि गहिरो दुःख व्यक्त गरेका छन् ।
कांग्रेसका मुख्यसचिव कृष्णप्रसाद पौडेलका अनुसार घिमीरेको आजै अपरान्ह १ बजे पशुपति आर्यघाट दाहसंस्कार गरिने कार्यक्रम रहेको छ ।
वि.सं.२०७९ भदौ ३१ शुक्रवार १०:०१ मा प्रकाशित
