Sansar News
काठमाडौं । काठमाडौं महानगरपालिकाका मेयर बालेन्द्र शाह ‘बालेन’ ले एकिकृत समाजवादीका अध्यक्ष माधव कुमार नेपाल र राष्ट्रपति विद्यादेवी भण्डारीलाई आफ्नै क्षेत्रको ५० वर्षदेखिको समस्या समाधान नगरेको भन्दै प्रश्न गरेका छन् ।
तिनकुने पार्क निर्माणका लागि खालि छोडिएको जग्गाको फोटो राख्दै मेयर बालेनले आफ्नै क्षेत्र तिनकुनेको ५० वर्षदेखिको समस्या आफैले हस्ताक्षर गरेर बारम्बार सम्झौता गरेर पनि समाधान नगरेको भन्दै नेपाल र भण्डारीमाथि यस्तो प्रश्न गरेका हुन् ।
‘आदरणीय माधब नेपालज्यू तथा सम्माननिय रास्ट्रपति ज्यू, प्रधानमन्त्री बन्नु भयो राष्ट्रपति बन्नु भयो । आफ्नै क्षेत्र तिनकुनेको ५० वर्षदेखिको समस्या आफैले हस्ताक्षर गरेर बारम्बार सम्झौता गरेर पनि समाधान गर्नु भएन,’ मेयर बालेनले भनेका छन्, ‘अब कुन मुख देखाएर जनता माझ भोट माग्न जानु हुन्छ ? अझै दुई महिना छ, सरकार तपाइँकै हो । समस्या समाधान होस् भन्ने आशा राखेको छु ।’
वि.सं.२०७९ असोज १ शनिवार २०:२३ मा प्रकाशित
