हामी सबैकाे संसारन्यूज

मुगु । हिमाली जिल्ला मुगुमा खाद्य ब्याबस्था तथा ब्यापार कम्पनीले सर्बसाधारणलाई दसैंको लागि सहुलियत दरमा चामल बितरण गरेको छ ।
साबिकको मुल्यमा प्रतिकेजी मुल्यमा ७ रुपैयाँ घटाएर उपभोक्तालाई सहुलियत दरमा चामल बितरण सुरु गरिएको खाद्य ब्यबस्था तथा ब्यापार कम्पनीका निमित्त शाखा प्रमुख पुस्कर भामले जनाए ।

बासमती चामल पहिले प्रतिकेजी ११२ रुपैयाँ थियो भने अहिले प्रति केजी १०५ रुपैयाँ, सोना मनसुली चामल पहिले प्रति केजी ५२ रुपैयाँ थियो भने अहिले प्रति केजी ४५ मा बेच्न सुरु गरिएको छ । त्यसैगरी मकवानपुर चामल पहिले प्रतिकेजी ५० रुपैयाँ थियो भने अहिले सहुलियत दरमा प्रति केजी ४३ मा बितरण सुरु गरिएको छ । मोटा चामल पहिले प्रतिकेजी ४९ रुपैयाँमा बेच्ने गरिएको थियो भने अहिले प्रतिकेजी ४२ रुपैयाँमा उपभोक्तालाई दिन थालिएको छ । लिमिडेटले सहुलियत दरमा चामल मात्र नभएर मास दाल पनि सहुलियतमा बितरण सुरु गरेको छ ।

पहिले मास दाल प्रतिकेजी १६६ रुपैयाँ थियो भने अहिले सहुलियत दरमा १५९ मा बिक्री बितरण गर्न थालिएको छ दसैं नजिकीएसंगै कम्पनीले सहुलियत दरमा चामल दाल बितरण सुरु गरेपछि उपभोक्ता खुशी भएका छन् । दसैंको मुखमा कम्पनीले सहुलियत दरमा चामल दाल उपलब्ध गराउदा उपभोक्तालाई राहत पुगेको प्रमुख जिल्ला अधिकारी रोमबहादुर महतले बताए ।

सडकको पहुँच नपुगेको हिमाली जिल्ला हुम्लामा भने यो चालु आर्थिक बर्षको चामल अझै ढुवानी सुरु भएको छैन । यो बर्षको नयाँ खाद्यान्न कोटा २३ हजार स्वीकृति भएपनि हवाई टेण्डर ढिलासुस्तीका कारण हुम्ला चामल पुग्न सकेको छैन । सिमकोट मुख्य कम्पनी लिमिडेटको गोदाममा गत चालु आर्थिक बर्षको २१ सय क्वीन्टल चामल जगेडा मात्र छ भने श्रीनगर र सर्केगाड खाद्य डिपो, बालुकुना, खार्पुनाथ, छतेला, लिमी बिक्री केन्द्रका गोदामहरु दुई महिना देखि खाली छ ।