Sansar News
काठमाडौं । दुबईबाट हिमालयन एयरमार्फत् काठमाडौं आएका एक व्यक्ति सुनसहित पक्राउ परेका छन् ।
त्रिभुवन अन्तर्राष्ट्रिय विमानस्थलको आगमन टनेल गेटबाट अवैध रूपमा भन्सार छलि लैजान लागेका तीन थान बेरुवा औठी झण्डै ६५ ग्राम सुनसहित काभ्रेपलाञ्चोक मण्डनदेउपुर नगरपालिका–४ का ३१ वर्षीय सुरेश तामाङलाई प्रहरी पक्राउ गरेको हो ।
हिमालय एयरलाइन्सको उडानद्वारा दुबईबाट काठमाडौं आएका तामाङको गतिविधि शंकास्पद देखिएपछि उनलाई अन्तर्राष्ट्रिय विमानस्थलको आगमन टनेल गेटमा जाँच गर्ने उक्त परिणामको सुन भेटिएको प्रहरीले जनाएको छ ।
उनलाई आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय गौचरमा पठाइएको प्रहरीले जनाएको छ ।
वि.सं.२०७९ कात्तिक २३ बुधवार १३:१७ मा प्रकाशित
