काठमाडौं ।दोलखाबाट प्रतिनिधि सभा सदस्यमा माओवादी केन्द्रका गंगा कार्की निर्वाचित भएका छन् ।
कार्कीले ३६ हजार ९९५ मत सहित विजयी हुँदा उनका निकटतम प्रतिद्धन्द्धी नेकपा एमालेका उम्मेदवार बालकृष्ण शिवाकोटीले ३६ हजार ४७७ मत प्राप्त गरेका छन् । कार्कीले ५१८ मत बढी ल्याएर शिवाकोटीलाई पराजित गरेका हुन् ।
दोलखामा कार्कीको जितसँगै देशैभरीका १६५ निर्वाचन क्षेत्रको मत परिणाम आइसकेको छ । जसमा माओवादी केन्द्रले प्रतिनिधि सभा सदस्यतर्फ १८ सिटमा जित हासिल गरेको छ ।
वि.सं.२०७९ मंसिर १९ सोमवार ०९:५३ मा प्रकाशित