Sansar News
काठमाडौं । सत्ता गठबन्धन दलको बैठक बालुवाटारमा बस्दैछ ।
आज दिउँसो ३ बजे प्रधानमन्त्री निवास बालुवाटारमा बस्ने उक्त बैठकमा मंसिर ४ गते सम्पन्न प्रतिनिधि सभा र प्रदेश सभा निर्वाचनको समीक्षा हुने बताइएको छ ।
बैठकमा नयाँ सरकार गठनको सम्भावना बारे समेत छलफल हुने बताइएको छ ।
निर्वाचनमा नेपाली कांग्रेस, नेकपा माओवादी केन्द्र, एकीकृत समाजवादी, राष्ट्रिय जनमोर्चा र लोकतान्त्रिक समाजवादी पार्टीले तालमेल गरेका थिए ।
जसमा हालसम्मको मत परिणाम अनुसार प्रतिनिधि सभा तर्फ नेपाली कांग्रेसले ५७, माओवादी केन्द्रले १७, एकीकृत समाजवादीले १०, लोकतान्त्रिक समाजवादी पार्टीले ४ र राष्ट्रिय जनमोर्चाले एक सिट जितेका छन् ।
यसअघि नेकपा माओवादी केन्द्रको पदाधिकारी बैठकले सरकार गठनका विषयमा पार्टीका तर्फबाट सबै प्रकारका विकल्प खुला गरेको बताएको थियो ।
वि.सं.२०७९ मंसिर १९ सोमवार ०९:४१ मा प्रकाशित
