हामी सबैकाे संसारन्यूज

काठमाडौं । नेकपा एमालेका अध्यक्ष केपी शर्मा ओली र माओवादी केन्द्रका महासचिव देव गुरुङबीच भेटवार्ता भएको छ ।

अध्यक्ष ओली र गुरुङबीच मंगलबार भएको उक्त भेटमा अध्यक्ष ओलीलाई बधाई दिनुका साथै समसायिक विषयमा कुराकानी भएको गुरुङले जानकारी दिएका छन् ।

‘गठबन्धनका साथीहरुसँग त मिटीङ छलफल हुन्छ त्यहि बधाई पनि दिइन्छ । तर, उहाँलाई आफै पुगेर बधाई दिएको हुँ । बधाई दिनुका साथै समसामयिक विषयमा सामान्य कुराकानी भएको हो ।’ महासचिव गुरुङले संसारन्युजसँग भने ।

यसअघि ओलीले माओवादी केन्द्रका अध्यक्ष प्रचण्डलाई फोनमार्फत् बधाई दिएका थिए भने महासचिव गुरुङले पनि पार्टीका तर्फबाट ओलीलाई भेटेरै बधाई दिएको बताएका छन् ।

माओवादी केन्द्रले नयाँ सरकार गठनका लागि सबै बिकल्प खुला गरेको बताइरहँदा अध्यक्ष ओली र महासचिव गुरुङको यो भेटलाई अर्थपूर्णरुपमा हेरिएको छ । यद्यपी गुरुङले भने सरकार गठनको प्रक्रिया सुरु नभइसकेकोले अहिले बधाईका लागि मात्र भेटघाट भएको बताए ।