Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ भोली वालुवाटरस्थित सरकारी निवासमा सर्ने भएका छन् ।
निर्वतमान प्रधानमन्त्री शेरबहादुर देउवा बालुवाटारबाट बाहिरीएपछि त्यहाँ सरसफाईको काम चलिरहेको हुनाले प्रचण्ड बिहीबार मात्रै त्यहाँ सर्ने बताइएको छ ।
त्यसैगरी प्रधानमन्त्री भएपछि प्रचण्डलाई बधाईदिन आउनेहरुको भिड लागेको र अन्य काममा बाधा पुगेकाले आज (बुधबार) को बधाई तथा भेटघाटका कार्यक्रम समेत स्थगित गरिएको श्रोतले जनाएको छ । यद्यपी उनको सचिवालयले भने मंगलबार सूचना जारी गर्दै प्रचण्डको बाहिर कार्यक्रम परेकाले खुमलटारमा बधाई तथा शुभकामनाका कार्यक्रम नरहेको जनाएको थियो ।
मंगलबार प्रचण्डलाई ६ सय बढीले भेटेर बधाई तथा शुभकामना दिएको बताइएको छ ।
वि.सं.२०७९ पुस १३ बुधवार १३:४८ मा प्रकाशित
