Sansar News
काठमाडौं । जनता समाजवादी पार्टी (जसपा) को संसदीय दलको नेतामा रामसहाय प्रसाद यादव निर्विरोध निर्वाचित भएका छन् ।
जसपाले आज निर्वाचनमार्फत संसदीय दलको नेता चयन गर्ने कार्यतालिका जारी गरेपनि निर्वाचन हुनुभन्दा अगावै यादवलाई दलको नेतामा निर्विरोध निर्वाचित गरिएको हो ।
बिहान ११ देखि १२ बजेसम्म मनोनयन दर्ता गर्ने कार्यतालिका भएपनि यादव बाहेक अन्य कसैले पनि उम्मेदवारी मनोनयन दर्ता नगरेपछि उनी निर्विरोध दलको नेत चयन भएको सो पार्टीका प्रचार विभाग प्रमुख पूर्ण बस्नेतले जानकारी दिएका छन् ।
मंसीर ४ मा सम्पन्न प्रतिनिधि सभा सदस्य र प्रदेश सभाको निर्वाचनमा विभिन्न क्षेत्रबाट जसपाका पाँच नेता प्रतिनिधिसभा सदस्यमा निर्वाचित भएका थिए । संसदीय दलको नेता चयन भएका यादव बारा २ बाट निर्वाचित सांसद हुन् ।
यसअघि पार्टीका संघीय परिषद् अध्यक्ष अशोक राई र सांसदद्धय राजकिशोर यादव र नवलकिशोर साहले संसदीय दलको नेतामा दावी गर्दै आएपनि उनीहरुले उम्मेदवारी मनोनय दर्ता नगराएपछि यादव निर्विरोध भएका हुन् ।
वि.सं.२०७९ पुस १३ बुधवार १३:१४ मा प्रकाशित
