Sansar News
काठमाडौं । न्यायाधिश टेकनारायण कुँवरले प्रधानमन्त्री तथा मन्त्रिहरुलाई १२ बुँदे सुझाव दिएका छन् ।
कुँवरले लावा लस्कर संस्कृतिलाई हटाउने, अन्तर्राष्ट्रिय महत्वको र राष्ट्रिय गौरवको विषयमा बाहेक उद्घाटन र सिलान्यासमा नजाने, मितव्ययितालाई प्रोत्साहन गर्ने लगायतका यस्तो नीति बनाऔं भन्दै १२ बुँदे सुझाव दिएका हुन् ।
यस्ता छन् उनका सुझाव
१. अन्तर्राष्ट्रिय महत्वको र राष्ट्रिय गौरवको विषयमा बाहेक उद्घाटन र सिलान्यासमा नजाने ।
२. सरकारमा बसेकाले कम्तिमा पनि कार्यालय समय पार्टीको काममा नलगाइ राज्य सञ्चालनमा मात्र लगाउने ।
३. सरकारी निवासमा दलका बैठक र कार्यक्रम बिलकूल आयोजना नगर्ने ।
४. राज्यले आयोजना गर्ने कुनै पनि कार्यक्रममा मन्त्रिपरिषदका सदस्यले मात्र हैन सरकारी विभागका कुनैपनि कार्यक्रममा मदिरा निषेध गर्ने ।
५. व्यक्तिगत कामका लागि सरकारी साधन स्रोत कसैले पनि प्रयोग नगर्ने ।
६. सरकारी तवरमा गरिने कुनैपनि कार्यक्रम तडकभडक देखिने किसिमबाट नगर्ने ।
७. मितव्ययितालाई प्रोत्साहन गर्ने।
८. राष्ट्र राष्ट्रियता र नेपालको मौलिक संस्कृतिलाई जगेर्ना र माया गर्ने अनुशासित नागरिक समाजको निर्माण गर्न कार्यक्रमहरु ल्याउने ।
९. भ्रष्टाचार नियन्त्रणका लागि कठोर नीति अबलम्बन गर्ने । वर्षौं वर्षसम्म विकास निर्माणका आयोजनाहरु ओगटेर समयमा काम सम्पन्न नगर्ने ठेकेदारहरुलाई कानूनको पालना गराउन सरकारले कठोर नीति लिने ।
१०. नागरिक सेवामा खटिएर उत्तरदायित्व ठीक ढंगले बहन नगर्नेलाई कारवाही गर्ने र राम्रो काम गर्नेलाई पुरस्कृत गर्ने ।
११. लावा लस्कर संस्कृतिलाई हटाउने ।
१२. Appointment लिएर मात्र र आवश्यक परेको कुरामा मात्र भेटघाटको समय दिने ।
वि.सं.२०७९ पुस १५ शुक्रवार १६:४८ मा प्रकाशित
