Sansar News
काठमाडौं । उपप्रधान एवम् भौतिक पूर्वाधार तथा यातायातमन्त्री नारायणकाजी श्रेष्ठले नियम पालना नगर्ने कर्मचारीलाई कारबाही गर्ने भएका छन् । समयमा कार्यकक्ष नआउने कर्मचारीलाई कारबाही गर्ने नीति श्रेष्ठले अगाडि बढाएका छन् ।
मन्त्रालयमा आएर काम नगर्ने कर्मचारीको पनि तलब काट्नेसम्मको योजना मन्त्रीले बनाएका हुन् । उनले कार्यालय र मातहतका निकायमा अनिवार्यरुपमा १० बजे कर्मचारी आएर हाजिर लगाइसक्नु पर्ने भन्दै ढिलो आएर काम छल्न खोज्नेको त्यो दिनको तलब काटिने तयारी गरेको बताएका छन् ।
सञ्चारकर्मीसँगको कुराकानीमा उनले सुशासनलाई प्राथमिकता दिएर काम गर्ने बताएका छन् । श्रेष्ठले मन्त्रालयमा गुनासो सुन्ने व्यवस्था पनि गर्न लागेको बताएका छन् ।
वि.सं.२०७९ पुस २० बुधवार ११:४२ मा प्रकाशित
