Sansar News
काठमाडौं । नेपाली कांग्रेसकी सांसद ईश्वरी न्यौपानेले संघीय संसदको सभामुख पदमा उम्मेदवारी दिएकी छन् ।
न्यौपानेको प्रस्तवकमा कांग्रेसका महामन्त्री तथा सांसद विश्वप्रकाश शर्मा र नेकपा एकीकृत समाजवादीका सांसद प्रकाश ज्वालाले समर्थन गरेका छन् ।
नेपाली कांग्रेसकी केन्द्रीय सदस्य तथा समानुपातिक सांसद रहेकी न्यौपाने नेपाली कांग्रेसको महिला संघमा रहेर लामो समय काम गरेकी छन् । उनी सभापति शेरबहादुर देउवा निकट मानिन्छीन् ।
नेपाली कांग्रेसको संसदीय दलको बैठकले सभामुख पदमा न्पौपानेलाई उठाउने निर्णय गरेको हो । बिहानैदेखि सभामुख पदमा आफ्नो दललाई समर्थन गर्न कांग्रेसले विपक्षमा बसेका दलहरुसँग छलफल गरिरहेको थियो । सोहि अनुरुप संबैधानिक पदमा कांग्रेससँग मिलेर जाने भन्दै नेकपा एसले सभामुख पदमा समर्थन गरेको हो ।
भोली हुने सभामुख पदको निर्वाचनका लागि सत्ता गवठबन्धन दलबाट नेकपा एमालेका देवराज घिमीरेलाई सभामुख पदको उम्मेदवार बनाएको छ ।
सत्तारुढ दलबाट एमालेका घिमिरेद्वारा सभामुखमा मनोनयन दर्ता
वि.सं.२०७९ माघ ४ बुधवार १५:५० मा प्रकाशित
