Sansar News
काठमाडौं । भारतीय धर्म गुरु आसाराम बापुलाई आजीवन जेल सजायको फैसला सुनाइएको छ ।
सुरतकी एक महिलामाथि बलात्कार गरेको आरोपमा उनलाई आजीवन जेल सजाय सुनाइएको हो ।
गुजरातको गान्धिनगर सेशन कोर्टले आसारामलाई सोमबार दोषी ठहर गर्दै आजीवन जेल सजाय सुनाइएको हो ।
यस अगाडि जोधपुर कोर्टले २५ अप्रिल २०१८ मा आसाराममाथि युपीकी एक नावालिगमाथि बलात्कार गरेको आरोपमा आजीवन जेल सजाय सुनाएको थियो । उक्त केशमा आसारामकी श्रीमतीसहित अन्य ६ जनामाथि आरोप लागेको थियो । अदालतले आसारामलाई दोषि मानेको थियो र आरोपी ६ मध्ये एकजनाको सुनुवाईकै क्रममा मृत्यु भएको थियो भने बाँकी पाँचजनालाई प्रमाणको अभावमा रिहा गरिएको थियो ।
१० वर्षदेखि जेलमा छन् आसाराम
२०१३ मा सुरतकी एक महिलामाथि पटक–पटक बलात्कार गरेको आरोपमा उनी जेल परेका थिए । अहमदावादमा रहेको आसारामको आश्रममा ती महिलामाथि पटक–पटक बलात्कार गरेको आरोप आसाराममाथि लागेको थियो ।
उक्त घटनामा अहमदावादको चाँदखेडामा रहेको प्रहरी चौकीमा आसाराम बिरुद्ध मुद्दा दर्ता गरिएको थियो । एफआईआरका अनुसार महिलामाथि २००१ देखि २००६ सम्म ती महिला आसारामबाट बलात्कृत भएकी थिइन् ।
वि.सं.२०७९ माघ १७ मंगलवार १७:०० मा प्रकाशित
