हामी सबैकाे संसारन्यूज

काठमाण्डौं । राष्ट्रिय स्वतन्त्र पार्टी (रास्वपा) का अध्यक्ष रवि लामिछानेले दिएको अभिव्यक्तिप्रति पत्रकार महासंघले गम्भीर आपत्ति जनाएको छ ।
महासघले लामिछानले आइतबार पत्रकार सम्मेलनमा दिएको अभिव्यक्ति प्रति गम्भीर ध्यानाकर्षण भएको जनाउँदै उक्त अभिव्यक्ति प्रेस तथा अभिव्यक्ति स्वतन्त्रतामाथिको गम्भीर प्रहार भएको ठहर गरेको छ ।
‘पत्रकार सम्मेलनमा लामिछानेले नेपाली सञ्चारक्षेत्रप्रति आधारहीन र पूर्वाग्रही आरोप लगाउँदै धम्किपूर्ण अभिव्यक्ति दिनु प्रेस तथा अभिव्यक्ति स्वतन्त्रतामाथिको गम्भीर प्रहार हो ।’ महासंघका अध्यक्ष रोशन पुरीद्धारा आइतबार बेलुका जारी विज्ञप्तिमा भनिएको छ ।
संचार प्रतिष्ठान र संचारकर्मीको नामै लिएर सार्वजनिक रुपमा धम्की दिइनुले नेपालका संचार प्रतिष्ठान र संचारकर्मी असुरक्षित हुन सक्नेप्रति चिन्ता व्यक्त गर्दै महासंघले भनेको छ, ‘ लामिछानेको अभिव्यक्तिले कुनै अप्रिय घटना घटेमा त्यसको जिम्मेवारी स्वयम् अध्यक्ष लामिछाने र राष्ट्रिय स्वतन्त्र पार्टीले लिनुपर्नेमा महासंघ प्रष्ट पार्न चाहान्छ ।’