हामी सबैकाे संसारन्यूज

काठमाडौं । सिलिन्डर विस्फोटमा परी घाईते भएका कांग्रेस नेता चन्द्र भण्डारीको खुट्टाको शल्यक्रिया सम्पन्न भएको छ ।
अस्पतालमा नेता भण्डारीसँगै रहेका योगराज कंडेलका अनुसार उनको आज गरिएको पहिलो सर्जरी सफलतापूर्वक सम्पन्न भएको हो ।

अस्पतालका मुख्य सर्जन डा. सुनिल केसवानीका अनुसार नेता भण्डारीको दायाँ खुट्टामा एकदमै डिप ईन्जुरी रहेको कारण अप्रेशनका क्रममा सोचेभन्दा बढी समय लागेको थियो भने दायाँ खुट्टा माईल्ड रहेको पनि कँडेलले जानकारी दिएका छन् ।

त्यस्तै आज गर्ने भनिएको दुईवटा सर्जरीमा दोस्रो सर्जरी गर्ने वा नगर्ने भन्ने विषयमा अव्जरवेसन पछि मात्र निर्णय हुने बताइएको छ ।

बुधबार राति काठमाडौैंको बुद्धनगरस्थित आफ्नै निवासमा दुर्घटनामा परेर गम्भीर भएका नेता भण्डारीलाई नेपालमा उपचार सम्भव नभएपछि मुम्बइको नेशनल बर्न  सेन्टरमा लगिएको थियो । भण्डारीसँगै दुर्घटनामा परेकी उनकी आमाको बिहीबार बिहान कीर्तिपुरस्थित वर्न अस्पतालमा उपचारका क्रममा निधन भएको थियो ।