हामी सबैकाे संसारन्यूज

काठमाडौं । निर्वाचन आयोगले फरक लिङ्ग र फरक समुदायको व्यक्तिलाई उपराष्ट्रपतिको उम्मेदवार बनाउन निर्देशन दिएको छ ।

आयोगको आज दिउँसो बसेको बैठकले उपराष्ट्रपति पदको निर्वाचनका लागि उम्मेदवारको मनोनयन पत्र दर्ताका सन्दर्भमा उम्मेदवारको योग्यता बारे थप स्पष्टतासहित नवनिर्वाचित राष्ट्रपतिको लिङ्ग वा समुदाय भन्दा फरक हुने गरी उपराष्ट्रपतिको निर्वाचनका लाथि उम्मेदवारको मनोनयन दर्ता गर्न निर्वाचन अधिकृतको कार्यालयलाई निर्देशन दिने निर्णय गरेको हो ।

‘राष्ट्रपति तथा उपराष्ट्रपतिको निर्वाचन सम्बन्धी ऐन, २०७४ को दफा ६५ को उपदफा २ बमोजिक दिइएको निर्देशनमा नेपालको संविधानको धारा ७० मा ‘यस संविधान बमोजिम राष्ट्रपति र उपराष्ट्रपतिको निर्वाचन फरक फरक लिङ्ग वा समुदायको प्रतिनिधित्व हुने गरी गर्नुपर्नेछ’ भन्ने व्यवस्था रहेको साथै राष्ट्रपति तथा उपराष्ट्रपतिको निर्वाचन सम्बन्धी ऐन, २०७४ को दफा १६ को उपदफा (५) मा ‘यस दफा बमोजिम उपराष्ट्रपति पदका लागि उम्मेदवार मनोनयन गर्दा राष्ट्रपति पदमा निर्वाचित व्यक्ति जुन लिङ्ग वा समुदायको हो सो भन्दा फरक लिङ्ग वा समुदायको व्यक्तिलाई मनोनयन गर्नुपर्नेछ,’ भन्ने व्यवस्था रहेकोले संवत २०७९ फागुन २५ गते सम्पन्न भएको राष्ट्रपतिको निर्वाचनमा खस आर्य समावेशी समूहका पुरुष व्यक्ति श्री रामचन्द्र पौडेल निर्वाचत हुनु भएको हुँदा स्वीकृत निर्वाचन कार्यक्रम अनुसार यहि फागुन २७ गते उपराष्ट्रपति पदको मनोनयन दर्ता गर्दा राष्ट्रपतिको पदमा निर्वाचित व्यक्तिको लिङ्ग (पुरुष) वा समुदाय (खस आर्य) भन्दा फरक लिङ्ग –महिला वा अन्य) वा फरक समुदाय (दलित, आदिवासी, जनजाति, मधेशी, थारु वा मुस्लिम) को व्यक्तिको मनोनयन दर्ता गर्ने व्यहोरा उल्लेख गरिएको छ ।’आयोगद्वारा जारी विज्ञिप्तिमा भनिएको छ ।