हामी सबैकाे संसारन्यूज

काठमाडौं । राष्ट्रिय बीमा कम्पनीले तोकिएको समयभित्र बीमा भुक्तानीका लागि सम्पर्कमा आउन अनुरोध गरेको छ ।

बीमा कम्पनीले आफ्नो कारोबारका क्रममा बीमा दावी भुक्तानी गर्नुपर्ने रकम बाहेक कुनै पनि रकम भुक्तानी गर्न कुनै पनि बाँकी बक्यौता नराखेको बताउँदै कुनै पनि व्यवसाय, संघ संस्थाहरुसमेतलाई रकम भुक्तानी बाँकी रहेको भए ३५ दिनभित्र कम्पनीमा सम्पर्क गर्न अनुरोध गरेको हो ।

‘कुनै व्यत्ति, संघ, संस्थासमेतलाई व्यवसायका सिलसिलामा बीमा दाबी बापत बाहेकका मिति २०७९ आषाढ मसान्तसम्मको कुनै रकम भुक्तानी गर्न बाँकी रहेको भए यो सूचना प्रकाशन भएको मितिले ३५ दिनभित्र के कति र के बापतको रकम भुक्तानी हुन बाँकी रहेको हो सोको सक्कलै प्रमाण, कागजात सहित यस कम्पनीको प्रमुख कार्यकारी अधिकृतको सचिवालय केन्द्रीय कार्यालय, रामशाहपथ काठमाडौंमा भुक्तानी माग गर्न आउनुहोला ।’ कम्पनीद्वारा जारी सूचनामा भनिएको छ ।

कम्पनीले तोकिएको म्यादभित्र भुक्तानीका लागि माग नआएमा वा रीत नपुगी आएमा भुक्तानी नहुने र भविष्यमा समेत यस्तो माग दावी उपर कुनै कारबाही नहुने व्यहोरा समेत जनाएको छ ।