Sansar News
काठमाडौं । उपराष्ट्रपति पदमा उम्मेदवारी मनोनयन दर्ता गराएका जनता समाजवादी पार्टी (जसपा) का नेता रामसहाय यादवको उम्मेदवारी कायम रहने भएको छ ।
शनिबार उम्मेदवारी मनोनयन दर्ता गराएका साहमाथि शनिबारै एमालेकी उपाध्यक्ष अष्टलक्ष्मी शाक्य र जनमत पार्टीकी नेतृ ममता झाले उपराष्ट्रपतिमा उनको उम्मेदवारी संविधान विपरीत रहेका भन्दै वानेश्वरस्थित निर्वाचन अधिकृतको कार्यालयमा उजुरी दिएका थिए ।
आयोगको कार्यालयले आज त्यसबारे निर्णय गर्दै यादवको उम्मेदवारी खारेज गर्नुनपर्ने जानकारी दिएको हो ।
आयोगले संविधानमा राष्ट्रपति र उपराष्ट्रपतिमा फरक लिङ्ग र फरक समुदायको भनिएपनि महिला नै हुनुपर्ने भन्ने उल्लेख नरहेको भन्दै उम्मेदवारी खारेज गर्नुनपर्ने जनाएको हो ।
किन दियो एमालेले उपराष्ट्रपतिका उम्मेदवार रामसहाय यादव विरुद्ध उजुरी ?
वि.सं.२०७९ फागुन २८ आइतवार १२:५५ मा प्रकाशित
