Sansar News
काठमाडौं । नेकपा एमाले संसदीय दलको प्रमुख सचेतकमा पदम गिरी र सचेक महेश बर्तौलालाई नियुक्त गरिएको छ ।
संसदीय दलका नेता तथा पार्टी अध्यक्ष केपी शर्मा ओलीले प्रमुख सचेतकमा गिरीलाई र सचेतकमा बर्तौलालाई नियुक्त गरेका हुन् ।
प्रमुख सचेतकमा नियुक्त भएका गिरी माओवादी केन्द्र नेतृत्वको सरकारमा स्वास्थ्य मन्त्री समेत बनेका थिए। राष्ट्रपति निर्वाचनको सत्ता समीकरणमा फेरबदल आएसँगै उनी बाहिरिएका थिए ।
यस्तै, सचेतक बनेका बर्तौला मकवानपुर–२ बाट पहिलो पटक प्रतिनिधि सभा सदस्यमा निर्वाचित भएका थिए । चर्चित नेता एवम् आफ्नै राजनीतिक गुरु विरोध खतिवडालाई पराजित गरेपछि बर्तौला चर्चामा आएका थिए ।
वि.सं.२०७९ फागुन २८ आइतवार १८:०२ मा प्रकाशित
