हामी सबैकाे संसारन्यूज

काठमाडौं । नयाँ वर्षमा सामसङ्गले नयाँ मोडेलका मोवाइल फोनहरु भित्र्याउने भएको छ । सामसङ्गले ग्यालेक्सी ए ३४ फाइज जी र ग्यालेक्सी ए ५४ फाइज जी मोडेलका फोनहरु नयाँ वर्षको अवसरमा नेपाली बजारमा भित्र्याउन लागेको हो ।

सामसङ्गले आफ्ना नयाँ मोडेलका फोनहरु विश्वभर बिक्री शुभारम्भ गरिरहँदा नेपाली बजारमा कहिले आउँछ भन्ने प्रतिक्षा ग्राहक वर्गमा थियो । जुन प्रतिक्षालाई सामसङ्गले छिट्टै सम्बोधन गर्न लागेको हो ।

नयाँ मोबाइमा के–के छन् विशेषता ?

नयाँ मोडलका ती फोनहरुमा तीन लेन्सयुक्त रेअर क्यामरा र नाइटोग्राफी जस्तो मुख्य विशेषताहरुरहेका छन् । यसकारण पनि जोकोहीको ध्यान–आकर्षित भएको पाइएको छ । दुवै स्मार्टफोनहरु प्रारम्भिक लेन्सका र केही अपग्रेडका साथ आएका छन् ।

ग्यालेक्सी ए३४ ५जि ४८ एमपि प्राइमेरी क्यामरा र २ एमपि म्याक्रो लेन्सका साथ आएको छ भनें ग्यालेक्सी ए५४ ५जिमा ५ एमपि म्याक्रो लेन्ससहित ५० एमपि प्राइमेरी रहेको छ । दुवै फोनहरुमा ८ एमपिको अल्ट्रा वाइड एङ्गल लेन्स जडित छ । यी लेन्सहरुले माथि उल्लेखित नाइटोग्राफी विशेषता, कम ब्लर भएको रात्रीकालीन फोटो÷भिडियो, इन्हान्सड ओआइएस, पिक्सेल अटो फोकसका साथ गुणस्तरीय फोटोग्राफी पाउन सकिन्छ ।

त्यस्तै दुवै ग्यालेक्सी ए३४ ५जि र ग्यालेक्सी ए५४ ५जिलाई १२० हर्जको रिफ्रेस दरमा अपग्रेड गरिएकोले यसमा भएका सुपर एमोलेड डिस्प्लेमार्फत् प्रयोगकर्ताहरु उनीहरुको रोजाईंमा ढुक्क हुनसक्ने कमपनीको दावीछ । यसका अलवा यी फोनहरु अतुलनीयरुपमा बलिया पनि छन । यसमा पानी र धुलो प्रतिरोधक आइपि६७ र कर्निङ्ग गोरिल्ला ग्लास ५ सुरक्षण र सामसङ्गको सिग्नेचर नक्स सेक्युरिटीको साथ रहेको छ । जुन सबै प्रयोगकर्ताहरुका लागि उपलब्ध छ ।

ग्यालेक्सी ए३४ ५जि र ग्यालेक्सी ए५४ ५जि मा ५ वर्षको सुरक्षा अद्यावधिक र ४ वर्षको ओएस अपग्रेडहरुको ग्यारेन्टी पनि दिइएको छ । यी विशेषताहरले प्रयोगकर्ताहरुलाई उनीहरुको स्मार्टफोनको जीवनचक्रलाई अधिक बनाउन पछिल्लो सफ्टवेयर र सुरक्षामा पहुँच दिनेछन् ।

सामसङ्ग ग्यालेक्सी ए३४ ५जि र ग्यालेक्सी ए५४ ५जिको डिजाइन ग्यालेक्सी एस२३ को मुख्य डिजाइनसंग मिल्दोजुल्दो रहेको छ, जुन यसको सबैभन्दा ठूलो अपिल मध्येको एक हो ।

प्रयोकर्ताले मध्यम खालको मुल्यमा सामसङ्गको मुख्य बनावट पाईरहेको सामसङ्गको दावी छ । उसले ए–सिरिजको श्रृँखलामा यी नवीनतम संस्करणहरुद्वारा एक अर्को खोजपूर्ण कार्य ल्याएको बताइएको छ । ग्यालेक्सी ए३४ ५जि र ग्यालेक्सी ए५४ ५जिले यसका प्रयोगकर्ताहरुको जिन्दगीमा साँचो अनुपम अनुभूति ल्याइदिनेछ र यी तयार छन् अब चाँडै नै नेपालमा सार्वजनिक हुन ।