Sansar News
काठमाडौं । त्रिभुवन विश्वविद्यालयले सम्बन्धन नविकरण नगर्ने क्याम्पसहरुलाई खारेज गर्ने चेतावनी दिएको छ ।
यसअघि आफुसँग सम्बन्धन लिएका देशभरीका क्याम्पसहरुलाई नविकरणका लागि सूचना जारी गरेको त्रिविले मंगलबार पुनः सूचना जारी गर्दै यस्तो चेतावनी दिएको हो ।
त्रिविले व्यवस्थापन संङ्काय, मानविकी तथा सामाजिकशास्त्र सङ्काय, शिक्षा शास्त्र संङ्काय र विज्ञान तथा प्रविधि अध्ययन संस्थानको प्राज्ञिक नियन्त्रणमा रहि सम्बन्धन नविकरण भएका त्रिविको वेवसाइटमा उल्लिखित क्याम्पस/कलेजहरुको विवरण प्रकाशित गरेको छ ।
‘कतिपय क्याम्पसहरुले हालसम्म पनि नविकरण नगरेको पाइएकोले उक्त कलेजहरुलाई त्रिवि नियमानुसार किन खारेजी नगर्ने ? सो सम्बन्धमा कुनै मनासिव कारण भए २०८० बैशाख मसान्तसम्म सम्बन्धीत डीन कार्यालयहरुमा निवेदन दिनु हुन सूचित गरिन्छ ।’ सूचनामा भनिएको छ ।
वि.सं.२०७९ चैत २८ मंगलवार ०८:०५ मा प्रकाशित
