हामी सबैकाे संसारन्यूज

काठमाडौं । नेपाल टेलिकमले एफटीटीएचका ग्राहकलाई लक्षित गरी स्प्रिङ अफर सार्वजनिक गरेको छ । स्प्रीङ अफरमा टेलिकमले एफटीटीएचको प्याकेज मूल्य घटाउँदै स्पीड बढाएको छ ।

डाटा सुविधा मात्र उपलब्ध भएको एफटीटीएच प्याकेज अब वार्षिक आठ हजार रुपैयाँमा आउने भएको छ भने पहिलेदेखि नै भ्वाइस सेवा प्रयोग गरिरहेका ग्राहकलाई भने यो प्याकेज वार्षिक छ हजारमै उपलब्ध गराइने टेलिकमले जनाएको छ ।

कम्पनीलेएक वर्षे प्याकेज तथा आइपिटिभी कम्बो प्याकेजमा हाल उपलब्ध गराइरहेको २५ एमबिपिएस स्पिडलाई बढाएर ३० एमबिपिएस बनाइएको छ ।

त्यसैगरी एनटीटीभीसहितको प्याकेज लिने ग्राहकलाई वार्षिक १२ हजार मा २० एमबीपीएसको इन्टरनेट, तीन हजार मिनेट कुराकानी गर्न सकिने भ्वाइस सेवा र एनटीटीभी सेवा पनि दिने भएको छ ।

यस अलावा विगतका विभिन्न प्रकारका भ्वाइस प्याक, डाटा प्याक, कम्बो प्याक, एसएमएस प्याक, सीयूजी प्याक, पोस्टपेड प्याक लगायतका अन्य प्याकलाई निरन्तरता दिइएको छ । सजिलो अनलिमिटेड प्रिपेड प्याकेजमा दैनिक रुपमा प्राप्त डाटा खपत भएपश्चातको डाटा स्पीडमा बढोत्तरी गरिएको टेलिकमले जनाएको छ ।