हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा) का तर्फबाट समानुपातिक सांसद बनेका ढाका कुमार पार्टीबाट निष्काशित भएका छन् ।

सो पार्टीको आज दिउँसो बसेको पार्टीको केन्द्रीय समितिको बैठकले उनलाई साधारण सदस्यबाट समेत निस्काशित गरेसँगै उनको सांसद पद समेत जाने भएको छ ।

बैठकपछि पत्रकारहरुसँग कुरा गर्दै सो पार्टीका अध्यक्ष रवी लामिछानले उनलाई कारबाही गरिएको बारेमा कुरा राख्दै भनेका छन्–‘लेनदेन भएको कुरा अहिलेसम्म देखिएको छैन । अडियोमा सार्वजनिक भएको आवाज उहाँको हो । त्यो कुराकानीमा पैसा मागिएको छ । एउटा सांसद, सार्वजनिक व्यक्तिले त्यसरी माग्नु हामी विधान अनुसार भ्रष्टाचार शून्य सहनशीलता भनेर बसेका छौं हाम्रा लागि कारबाही गर्नु यथेष्ट कारण हो ।’

अध्यक्ष लामिछानेले श्रेष्ठले भनेजस्तै अन्य कोही पनि यसमा दोषी भएमा पार्टीले कारबाही गर्ने बताए ।

सांसद श्रेष्ठले केही समय अगाडि मेडिकल व्यवसायी दुर्गा प्रसाईसँग गरेको अडियो संवादमा उनले २ करोड माग गरेको पाइएपछि उनको चौतर्फि आलोचना भएको थियो । सो अडियो बाहिरीए लगत्तै उनलाई २४ घण्टे स्पष्टीकरण माग्दै छानविनका समिति समेत गठन गरिएको थियो ।