हामी सबैकाे संसारन्यूज

काठमाडौं । बारा क्षेत्र नम्बर २ मा जनता समाजवादी पार्टी (जसपा) का अध्यक्ष उपेन्द्र यादवले मतान्तर बढाउँदै लगेका छन् ।

आइतबार सम्पन्न उपनिर्वाचनको सोमबार दिउँसोदेखि गरिएको हालसम्मको मत गणनामा अध्यक्ष यादवले ९ हजार ९७१ मत ल्याएर अग्रता कायम गरिरहेका छन् ।

त्यस्तै जनमत पार्टीबाट उम्मेदवार रहेका नेता शिवचन्द्र कुशहवाले ६ हजार ७८८ मत ल्याएर यादवलाई पछ्याइरहेका छन् भने नेकपा एमालेका उम्मेदवार पुरुषोत्तम पौडेलले ३ हजार ७९२ र राष्ट्रिय स्वतन्त्र पार्टीका उम्मेदवार रमेश खरेलले १३०९ मत प्राप्त गरेका छन् ।

गत मंसिर ४ मा सम्पन्न प्रतिनिधि सभा र प्रदेश सभा निर्वाचनमा प्रतिनिधि सभा सदस्यमा बारा २ बाट निर्वाचित जसपाकै रामसहाय यादव उपराष्ट्रपतिमा निर्वाचित भएपछि रिक्त रहेको उक्त पदमा आइतबार उपनिर्वाचन भएको हो ।