Sansar News
काठमाडौं । भारतमा लामो समय उपचार गराएपछि नेपाली कांग्रेसका नेता तथा सांसद डा. चन्द्रकान्त भण्डारी आज नेपाल फर्किदै छन् ।
बुद्वनगरस्थित आफ्नै निवासमा गत फागुन ३ गते ग्यास लिकका कारण भएको दुर्घटनामा घाईते डा. भण्डारीको मुम्बईस्थित नेशनल बर्न सेन्टरमा उपचार भइरहेको थियो ।
झण्डै साढे दुईमहिनाको उपचारमा स्वास्थ्यमा सुधार आएपछि डा. भण्डारी आज दिउँसो २ः ५५ बजे नेपाल एयरलाईन्सको फ्लाइटबाट नेपाल फर्किन लागेको मीन भण्डारीले जानकारी दिएका छन् ।
उनको थप उपचार अब नेपालमै हुनेछ ।
गत फागुन ३ गते भएको उक्त दुर्घटनामा परेर डा. भण्डारीका आमा हरिकला भण्डारी गम्भीर घाईते भएको र उनको कीर्तिपुरस्थित अस्पतालमा उपचारका क्रममा फागुन ४ गते निधन भएको थियो ।
वि.सं.२०८० वैशाख १७ आइतवार ०८:३७ मा प्रकाशित
