हामी सबैकाे संसारन्यूज

काठमाडौं । वैदेशिक रोजगारमा जानेको संख्या बढ्दै गएको देखिएको छ । वैदेशिक रोजगार विभागले उपलब्ध गराएको तथ्यांकलाई केलाउँदा गएको वर्षको १२ महिनामा हालसम्मकै सबैभन्दा बढी वैदेशिक रोजगारमा गएको देखिएको हो । विभागका अनुसार २०७९ को वैशाखदेखि चैतसम्म सात लाख ७२ हजार ३५९ व्यक्ति वैदेशिक रोजगारीमा गएका छन् ।

वैदेशिक रोजगारमा गएकामध्ये सबैभन्दा बढी मधेश प्रदेशबाट गएको विभागले जनाएको छ । विभागले जनाएअनुसार सबैभन्दा बढी यूएई, कतार, साउदी अरब र मलेसिया गएका छन् ।

विभागले उपलब्ध गराएको तथ्यांकअनुसार गएको कात्तिकमा सबैभन्दा बढी वैदेशिक रोजगारमा गएका थिए । कात्तिक महिनामा मात्रै ७८ हजार ३७० जना रोजगार खोज्दै विदेश गएको विभागले जनाएको छ ।

विशेषतः नेपालीहरुको चाडपर्व भदौदेखि कात्तिकसम्म पर्ने गर्दछ । उक्त समयमै सबैभन्दा बढी वैदेशिक रोजगारीमा गएका छन् । सबैभन्दा ठूलो पर्व मानिने दशैं परेको महिनामा असोजमै पनि ६२ हजार बढी नेपाली रोजगारी खोज्दै विदेश गएका छन् ।

२०७९ को कुन महिनामा कति विदेशिए ?

वैशाख : ४५,००४

जेठ : ६२,३४९

असार  : ६२,८५३

साउन  : ६३,०३९

भदौ : ७६,४०३

असोज : ६२, ७०६

कात्तिक : ७८,३७०

मंसिर : ६८,५६४

पुस : ६५,४६४

माघ : ६४,२८४

फागुन  : ६१,८४५

चैत : ६१, ४७८

वर्षअनुसार विवरण, कुन आर्थिक वर्षमा कति ?

२०७२/०७३ : ६,४०,९८१

२०७३/०७४ : २,८७,५१९

०७४/०७५ : ६,१२,६८५

०७५/०७६ : ५,०८,८२७

२०७६/०७७ : ३,६८,४३३

०७७/०७८ : १,६६,६९८

०७८/०७९ : ६,३०,०९०