हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल ‘प्रचण्ड’ले सत्ता साझेदार दलहरूको बैठक बोलाएका छन् । प्रधानमन्त्री निवास बालुवाटारमा दिउँसो ३ बजेका लागि बैठक बोलाइएको प्रधानमन्त्रीका प्रेस विज्ञ मनहरि तिमिल्सिनाले जानकारी दिए ।

बैठकमा मन्त्रिपरिषद् विस्तार, सरकारको नीति तथा कार्यक्रम र पछिल्लो राजनीतिक विषयबारे चर्चा हुने उनले बताए । उनले बताएअनुसार राष्ट्रिय स्तन्त्र पार्टीको सरकारमा सहभागिताको विषयमा पनि बैठकमा छलफल हुनेछ ।

अहिले साझेदार दलहरुभित्रै सहमति नबन्दा मन्त्रिपरिषद्ले पूर्णंता पाएको छैन भने प्रधानमन्त्रीले रास्वपालाई पनि सरकारमा ल्याउन प्रयास गरिरहेका छन् । रास्वपाले यसअघि आफुले जिम्मा लिएका गृहसहितका मन्त्रालयमा दाबी गरेको छ । यस्तोमा कतिपय मन्त्रालय परिवर्तन गर्नुपर्ने वा बढाउनुपर्ने अवस्था पनि देखिएको छ ।

बताइएअनुसार प्रधानमन्त्रीले मन्त्रालय परिवर्तनलगायतको विषयमा पनि छलफल गर्नेछन् । प्रधानमन्त्रीले दलहरुबीचको छलफलपछि रास्वपालाई बोलाउले तयारी गरेको बुझिएको छ ।