Sansar News
काठमाडाैं । सरकारले वैशाख २४ गते संसदको बजेट अधिवेशन बोलाउन सिफारिस गरेको छ। बुधबार बसेको मन्त्रिपरिषद् बैठकले वैशाख २४ गते संसद अधिवेशन बोलाउन राष्ट्रपतिलाई सिफारिस गर्ने निर्णय गरेकाे हाे ।
भौतिक पूर्वाधार तथा यातायातमन्त्री प्रकाश ज्वालाले सञ्चारमाध्यमलाई बताएअनुसार बजेट अधिवेशन वैशाख २४ गते ४ बजे बोलाउनका लागि सिफारिस गर्ने निर्णय भएको हो ।
बजेट अधिवेशनमा आगामी आर्थिक वर्ष २०८०/०८१ को बजेट र सरकारको नीति तथा कार्यक्रम प्रस्तुत हुनेछ ।
संसदको हिँउदे अधिवेशन वैशाख १५ गते अन्त्य भएको थियो।
वि.सं.२०८० वैशाख २० बुधवार १३:०८ मा प्रकाशित
