हामी सबैकाे संसारन्यूज

काठमाडौं । नेपाली कांग्रेसको पदाधिकारी बैठक आज पनि बस्दै छ ।

पूर्वगृहमन्त्री समेत रहेका पार्टीका नेता बालकृष्ण खाँण नक्कली भूटानी शरणार्थी प्रकरणमा बुधबार पक्राउ परेपछि बसेको सो पार्टीको पदाधिकारी बैठकले खाँणका विषयमा कुनै निर्णय नगरी बैठक सकिएको थियो ।

बुधबार बसेको बैठकमा नक्कली शरणर्थी प्रकरणमा पक्राउ परेका खाँणलाई निलम्बन गर्ने विषयमा टुंगो लगाउन नसक्दा आज पुनः दिउँसो २ बजेदेखि पदाधिकारी तथा पूर्वपदाधिकारीको बैठक बस्न लागेको हो ।

नेपाली नागरिकलाई नक्कली भुटानी शरणाथी बनाएर अमेरिका लैजान लागेको प्रकरणमा बुधबार मैजुबहालस्थित आफ्नै घरबाट पक्राउ परेका पूर्वगृहमन्त्री खाँणको आजदेखि बयान लिइदैंछ ।

बुधबार जिल्ला अदालत काठमाडौंमा खाँणलाई उपस्थित गराएको प्रहरीलाई अदालतले खाँणमाथि अनुसन्धानका लागि थप तीनदिनको अनुमति दिएको थियो ।

जिल्ला सरकारी वकिलको कार्यालयले आजदेखि खाँणको बयान लिइने बताएको छ ।