टीकापुर, कैलाली । टीकापुर सरोकार समूह र टीकापुर सामुदायिक पुस्तकालयको संयुक्त आयोजनामा स्थापित पुरस्कारको पाँचौ श्रृखंलामा प्रगति शर्मा उत्कृष्ट पाठक बनेकी छन् ।
प्रत्येक महिना टीकापुर सामुदायिक पुस्तकालयमा आइ अध्ययन गर्ने पाठक मध्ये उत्कृष्ट पाठकलाई दिईदै गरेको पुरस्कार चैत्र २०७९ का लागि प्रगती शर्मालाई प्रदान गरिएको हो ।
उक्त पुरस्कारको राशी रु दश हजारको रहेको छ । गत मंसिर महिना दिइदैं आएको पुरस्कारको यो पाचौ श्रृङखला हो ।
चैत महिनाका नियमित १५० पाठकमध्ये पुरस्कार बिजेता प्रगती शर्माले १३७ घन्टा पुस्तकालयमा अध्ययन गरेकी थिइन् ।
टीकापुर सामुदायिक पुस्तकालयलयद्वारा पुरस्कार वितरणका लागि आयोजित एक बिशेष समारोहमा प्रमुख अतिथि पूर्वमन्त्री चन्द्रसिंह भट्टराई, ब्रहमकुमारी सीता दिदी र मन थापाले संयुक्त रुपमा पुरस्कार र प्रमाणपत्र बिजेता शर्मालाई हस्तान्तरण गरेका थिए ।
चैत महिनाको पुरस्कार साहित्यकार गगनसिंह थापाको स्मृतिमा उनका परिवारले प्रायोजन गरेको थियो ।
कार्यक्रममा प्रमुख अतिथि भट्टराईले टीकापुरमा अध्ययन संस्कृतिलाई प्रोत्साहन गर्न आयोजना भइरहेको यो पुरस्कारको कार्यक्रमले समाजमा सकारात्मक परिवर्तन ल्याउनेमा आफू बिश्वस्त रहेको बताए ।
