हामी सबैकाे संसारन्यूज

कठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले नागरिकता विधेयक राष्ट्रपतिबाट प्रमाणित गराउनु राष्ट्रपति जस्तो सम्मानीत संस्थाको गरिमा विपरित, लोकतान्त्रित संसदीय मूल्य मान्यता र राष्ट्रहितविरूद्ध रहेको बताएका छन् ।

बुधबार राष्ट्रपति रामचन्द्र पौडलेले नागरिकता विधेयक पारित गरेपछि लामिछानेले नयाँ जनादेशबाट नयाँ संसद बनेको ६ महिना भइसक्दा पनि संसदमा छलफल नगराई राष्ट्रपतिबाट प्रमाणिकरण गराउनु राष्ट्रपति संस्थाको गरिमा विपरित भएको टिप्पणी गरेका हुन् ।

‘नयाँ जनादेशबाट नयाँ संसद बनेको ६ महिना भइसक्दा पनि संसदमा छलफल नगराइ, यसरी पूरानै विधेयक सरकारले राष्ट्रपतिबाट प्रमाणिकरण गराउनु राष्ट्रपति जस्तो सम्मानीत संस्थाको गरिमा विपरित, लोकतान्त्रित संसदीय मूल्य मान्यता र राष्ट्रहितविरूद्ध छ ।’ लामिछानेले सामाजिक संजालमा भनेका छन् ।