हामी सबैकाे संसारन्यूज

काठमाडौं । काठमाडौं । वैदेशिक रोजगारीका लागि फ्रान्स पठाइदिन्छु भन्दै रकम ठगी गर्ने पक्राउ परेका छन् ।

ठगी गरेको आरोपमा दोलखा बैतेश्वर नगरपालिका(३ मिर्गे घर भई हाल भक्तपुर सूर्यविनायक नगरपालिका (१३ सल्लाघारी बस्ने ५० वर्षीय सुरेश कुमार पाख्रिनलाई मंगलबार प्रहरीले पक्राउ गरेको हो ।

पाख्रिनले ४ जना पीडितलाई वैदेशिक रोजगारका लागि फ्रान्स पठाई प्रतिष्ठित कम्पनीहरुमा काम लगाइदिने र मासिक १ लाख रूपैयाँ भन्दा बढी तलब हुन्छ भन्दै पीडितबाट पटक–पटक गरी ४० लाख रूपैयाँ रकम लिई फरार भएका थिए ।

काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई ललितपुर महानगरपालिका–३ पुल्चोकबाट पक्राउ गरेको हो ।

उनलाई थप अनुसन्धान तथा कारवाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ ।