हामी सबैकाे संसारन्यूज

काठमाडौं । धरान उपमहानगरपालिकाका मेयर हर्क साम्पाङले नेपालले ‘अखण्ड नेपाल’ भन्दै टिष्टा र काँगडासम्मको भूभाग समेटेर नक्सा सार्वजनिक गर्नुपर्ने बताएका छन् ।

भारतको नयाँ संसदमा राखिएको ‘अखण्ड भारत’ नामक भित्ते चित्रमा नेपालको लुम्बिनी, कपिलवस्तु, विराटनगरको समेत नाम पाइएपछि अहिले त्यसको चौतर्फि विरोध भइरहेको छ ।

उक्त नक्शाप्रति आपत्ति जनाउँदै मेयर साम्पाङले भनेका छन् ‘अब नेपालले पनि ‘अखण्ड नेपाल’ भन्दै टिष्टा र काँगडा सम्मको नक्सा बनाएर सार्बजनिक गर्नु पर्छ !’

उक्त भित्तेचित्रमा भएको नक्शाका कारण छिमेकी मुलुकबीच कुटनीतिक सम्बन्धमा असर तथा थप विवाद ल्याउन सक्ने पूर्वप्रधानमन्त्री डा. बाबुराम भट्टराईको टिप्पणी छ।

डा.भट्टराईले केही लिनअघि उक्त भित्तेचित्र बारे भारतका प्रधानमन्त्री नरेन्द्र मोदी तथा सम्बन्धीत निकायले यसबारेमा प्रष्ट पारिदिनुपर्ने बताएका थिए ।

‘भारतको भर्खरै उद्घाटन गरिएको नयाँ संसद भवनमा ‘अखंड भारत’ को विवादास्पद भित्तिचित्रले नेपाललगायत छिमेकीमा अनावश्यक र हानिकारक कूटनीतिक विवाद निम्त्याउन सक्छ । यसले भारतका निकटतम छिमेकीहरू बीचको द्विपक्षीय सम्बन्धमा थप समस्या बढाउने सम्भावना देखिन्छ । भारतीय राजनीतिक नेतृत्वले यस भित्तेचित्रको वास्तविक अभिप्राय र प्रभावलाई समयमै खुलारुपमा बताउनु उचित हुनेछ ।’ उनले भनेका थिए ।

अब नेपालले पनि अखण्ड नेपाल भन्दै टिष्टा र काँगडा सम्मको नक्सा बनाएर सार्बजनिक गर्नु पर्छ ! ढोइट भन्दै अघि बढ्दै ! pic.twitter.com/mxI2wQDbJB

— Harka Sampang A Revolution (@mayor_harka) May 31, 2023