हामी सबैकाे संसारन्यूज

काठमाडौं।सानिमा बैंकले नेपाल क्लियरिङ हाउस (NCHL) सँगको सहकार्यमा भारत–नेपाल रियल टाइम Person to Person (P2P) भुक्तानी सेवा सञ्चालनमा ल्याएको छ। यस सेवामार्फत नेपाल र भारतबीच सुरक्षित, छिटो र कम लागतमा रकम पठाउन तथा प्राप्त गर्न सकिने बैंकले जनाएको छ।

नयाँ सेवाअनुसार नेपाली प्रयोगकर्ताले आफ्नो Virtual Payment Address (VPA) मार्फत भारतबाट रकम प्राप्त गर्न सक्नेछन् भने भारतीय प्रयोगकर्ताले UPI ID प्रयोग गरी नेपालमा सहज रूपमा रकम पठाउन र प्राप्त गर्न सक्ने व्यवस्था गरिएको छ। यसले सीमापार भुक्तानी प्रक्रियालाई थप सरल, सुरक्षित र प्रभावकारी बनाउने अपेक्षा गरिएको छ।

बैंकका अनुसार यो सेवा विद्यार्थी, व्यवसायी, यात्रु तथा भारत–नेपालबीच नियमित आवतजावत गर्ने परिवारका सदस्यहरूका लागि विशेष रूपमा उपयोगी हुनेछ।

हाल सानिमा बैंकले देशभरका सातै प्रदेशमा रहेका १३४ शाखा कार्यालय तथा १२१ एटीएममार्फत बैंकिङ सेवा प्रदान गर्दै आएको छ। बैंकले डिजिटल बैंकिङ सेवाको विस्तारसँगै ग्राहकलाई थप सहज र आधुनिक भुक्तानी सुविधा उपलब्ध गराउने लक्ष्य लिएको जनाएको छ।