हामी सबैकाे संसारन्यूज

काठमाडौं । काठमाडौंको कमलपोखरीस्थित सिटी सेन्टरमा शुक्रबारदेखि ‘स्पेस एण्ड डिजाइन’ एक्सो सुरु भएको छ । आईआईएफटी स्कुल अफ फेसन एण्ड इन्टरियर डिजाइनको आयोजनमा पहिलो पटक ‘स्पेस एण्ड डिजाइन’ एक्सो’सुरु भएको हो ।

‘स्पेस एण्ड डिजाइन’ एस्पोको उद्घाटन ‘मिस नेपाल वल्र्ड २०२३’की विजेता श्रीच्छा प्रधान, ‘मिस नेपाल अर्थ २०२३’ विजेता रैना मजगैयाँ र ‘मिस नेपाल इन्टरनेशनल २०२३’ की विजेता प्रसिद्धी शाहले गरे संयुक्त रुपमा गरे ।

आईआईएफटी स्कुल अफ फेसन एण्ड इन्टरियर डिजाइनमा अध्ययन गरेका विद्यार्थीहरुले आफ्नो दक्षता प्रदर्शनका साथै नेपालमा इन्टरियर डिजाइनको महत्वलाई उजागर गर्नका लागि एक्स्पोको आयोजना गरिएको ‘आईआईएफटी’को कार्यकारी निर्देशक विपना थापाले बताइन् ।

निर्देशक थापाले भनिन्, ‘यो आईआईएफटीले पहिलो पटक सुरु गरेको ‘स्पेस एण्ड डिजाइन’ एक्स्पोले नयाँ पुस्तामा भएको प्रतिभालाई उजागर गर्ने अपेक्षा लिएको छु ।’

सिटी सेन्टरमा दुई दिनसम्म चल्ने ‘स्पेस एण्ड डिजाइनमा आईआईएफटीका अध्ययन गर्ने ५१ जना विद्यार्थीले आ–आफ्नो डिजाइनमा क्याफेका मोडेल्स तयार परेर प्रदर्शनीमा राखेका छन् र प्रतियोगितामा सहभागिता जनाएका छन् ।

प्रतियोगितामा पहिलो, दोस्रो, तेस्रो र पब्लिक च्याइस विधामा उत्कृष्ट हुनेलाई नगदसहित प्रमाणपत्र हस्तातरण गरिने जनाइएको छ । शुक्रबार ११ बजे उद्घाटन गरिएको एक्स्पो शनिबार ५ बजेसम्म चल्ने छ ।

विगत ७ वर्ष देखि सञ्चालनमा आएको ‘आईआईएफटी’ स्कुल अफ फेसन एण्ड इन्टरियर डिजाइन काठमाडौंको बागबजार र कमलादीस्थित हेरिटेज प्लाजामा र ललितपुरको मानभवनबाट रहेको छ । ‘आईआईएफटी’ले हजारांैको संख्यामा फेसन तथा इन्टेरियर डिजाइनरहरु उत्पादन गरिसकेको छ ।