हामी सबैकाे संसारन्यूज

काठमाडौं । नेकपा माओवादी केन्द्रसहित चार दलको आज समाजवादी मोर्चा घोषणा हुँदैछ ।

आज दिउँसो ३ बजे राष्ट्रिय सभागृहमा माओवादी केन्द्र, जनता समाजवादी पार्टी, एकीकृत समाजवादी र विप्लव नेतृत्वको नेकपाको संयुक्त समाजवादी मोर्चा घोषणा हुने भएको हो ।

आइतबार बसेको चार दलको बैठकले आज मोर्चाको घोषणा गर्दै यसको साझा मुद्दा, लक्ष्य र उद्धेश्य र प्राथमिकतासहितको प्रतिबद्धता तय गर्ने बताइएको छ ।
दलहरुले मोर्चाको नेतृत्व आलोपालो गर्ने र निर्णय प्रक्रिया सहमति र सहकार्यको माध्यमबाट हुने सहमति गरेको बताइएको छ । साथै मोर्चामा सहभागी हुने सदस्य दलका अध्यक्ष सहितको एउटा संयोजन समिति बन्ने र त्यसले आवस्यकता अनुसार उपसमितिहरु बनाएर अन्य दलहरुलाई पनि मोर्चामा सहभागी गराउने निर्णय भएको बताइएको छ ।

मोर्चाले संघीय लोकतान्त्रिक गणतन्त्रको रक्षा र सुदृढीकरण गर्दै नेपाली समाजवादको विस्तार र पहिचान गरी समाजवादको बाटो तय गर्ने नेताहरुले जनाएका छन् ।