Sansar News
काठमाडौं । सानिमा बैंक र पाटन अस्पतालबीच सम्झौता गरिएको छ । विपन्न महिलाको उपचारका लागि आर्थिक सहयोग गर्ने सम्बन्धमा दुई पक्षबीच सम्झौता गरिएको हो ।
सम्झौताअन्तर्गत सानिमा बैंकले न्यून आर्थिक अवस्था भएका महिलाहरूको उपचारका लागि पाटन अस्पताललाई आर्थिक सहयोग उपलब्ध गराउनेछ ।
सम्झौताअनुसार बैंकले आगामी १ वर्षका लागि आर्थिक सहयोग उपलब्ध गराउनेछ । सानिमा बैंकले २०७४ सालदेखि विपन्न महिलाको उपचारका लागि पाटन अस्पतालमार्फत आर्थिक सहयोग गर्दै आएको छ ।
बैंकले प्रत्येक ‘नारी बचत खाता’ बापत बैंकको तर्फबाट मासिक १ रुपैयाँको दरले नारी सामाजिक कोषमा रकम जम्मा गर्दैै आएकोे छ । उक्त संकलित रकम नारी उत्थानका लागि खर्च गर्ने उद्देश्यले नै बैंकले पाटन अस्पतालसँग सम्झौता गरेको बैंकको भनाइ छ । बैंकमा आयोजित कार्यक्रममा अस्पतालका निर्देशक डा. रवि शाक्य र बैंकका प्रमुख निक्षेप हेमराज संज्यालले सम्झौतापत्रमा हस्ताक्षर गरेका छन् ।
वि.सं.२०८० असार ६ बुधवार ०९:०३ मा प्रकाशित
