हामी सबैकाे संसारन्यूज

काठमाडौं । वर्षात्को मौसम सुरु भइसकेको छ । जेठको अन्तिम तथा असारको पहिलो साताबाट देशैभरी सुरु भएको वर्षाका कारण पूर्वका विभिन्न जिल्लामा मानविय तथा भौतिक क्षति भएको छ ।

गत शनिबार राति आएको वर्षा र बाढीका कारण पूर्वी पहाडी जिल्लाहरु पाँचथर, संखुवासभा लगायतका जिल्लामा १० जनाको मृत्यु र २६ जना बेपत्ता भएका छन् ।
नेपालमा भर्खर सुरु भएको मनसुनका कारण थप क्षति हुन नदिन थप सतर्कता अपनाउन अनुरोध गरिएको छ । स्वास्थ्य तथा जनसंख्या मन्त्रालयले बाढी पहिरोबाट बच्नका लागि विभिन्न पाँच पूर्व तयारी गर्न अनुरोध गरेको छ ।

के–के हु्न त पाँच तयारी ?
१ नदीको जलसतहले सतर्कता तह पार गरेका केही म्यासेज पो आयो कि बेला–बेला चेक गर्नुहोस्, स्थानीय रेडियोका समाचार बेला–बेला सुन्नुहोस् ।

२ -सुरक्षित स्थानतिर जान भनिएको छ भने सूचनामा भनिएजस्तै सुरक्षित स्थानमा जानुहोस् ।

३- मोबाइलमा ब्याट्री र ब्यालेन्स छ छैन चेक गर्नुहोस् । यस्तोबेला अनावस्यक तथा लामो कुराकानी नगर्नुहोस् । व्याट्री बचाएर, व्यालेन्स हालेर मोबाइल आफैसँग राख्नुहोस् ।

४-मोबाइलमा अत्यावस्यक फोन नम्बरहरु सेभ गरेर राख्नुहोस् । जस्तै बाढीबारे बुझ्न ११५५ र ११३३ ।

५–अत्यावस्यक कागजातहरु नागरिकता, लालपूर्जा, जन्मदर्ता, विवाहदर्ता, राहदानी, शैक्षिक प्रमाणपत्रहरुका साथै गरगहनाहरु र नगद साथै अत्यावस्यक औषधि, टर्चलाइट, पानी, तयारी खाजा जस्ता सामानहरु एउटा झोलामा सुरक्षित राख्नुहोस् र सुरक्षित स्थानमा जादा लैजानुहोस् ।