हामी सबैकाे संसारन्यूज

काठमाडौं । गोरखामा जन्ती बोकेको जिप दुर्घटनामा परेर मृत्यु हुने पाँचै जनाको पहिचान खुलेको छ ।

जिल्ला प्रहरी कार्यालय गोरखाका डीएपी लालराज लामिछानेका अनुसार शुक्रबार बिहान जन्ती बोकेको प्रदेश ३–०१–०२३ च २४२७ नम्बरको जिप सहिद लखन गाउँपालिका–३ सिलिङमा भएको दुर्घटना परी मृत्यु हुनेमा सहिद लखन गाउँपालिका–५ पोखरीडाँडाका ६५ वर्षीय धनबहादुर थापा, २४ वर्षीय वीरबहादुर थापा, २२ वर्षीय प्रविन थापा, १८ वर्षीय निरज थापा र १७ वर्षीया नविना थापा रहेका छन् ।

उक्त जिप दुर्घटनामा घाईते भएका १२ जनाको उपचार भइरहेको छ । प्रहरीका अनुसार घाईते हुनेहरु पनि पोखरीडाँडाकै हुन् । दुर्घटनामा स्थानीय लालु थापा, सुरज राना, नरबहादुर थापा, दोषबहादुर थापा, होमबहादुर राना, सन्दीपा राना, सुरज थापा, चन्द्र थापा, कुलबहादुर राना, लक्ष्मी थापा, मनिका राना र प्रतीक राना घाइते भएका छन् । उनीहरुमध्ये तीनजनाको भरतपुर अस्पताल र ९ जनाको आँबुखैरेनी अस्पतालमा उपचार भइरहेको डीएपी लामिछानेले जानकारी दिएका छन् ।

गोरखामा बेहुली लिएर फर्किएको जिप दुर्घटना हुँदा पाँच जनाको मृत्यु