हामी सबैकाे संसारन्यूज

काठमाडौं । सरकारले मन्त्रिपरिषद् पुनर्गठनको तयारी गरेको छ । पुनर्गठनको क्रममा जनमत पार्टी सरकारमा सहभागी हुने भएको छ । यो सँगै माओवादीका एक मन्त्री हटाइने भएको छ ।

माओवादी स्रोतका अनुसार संघीय मामला तथा सामान्य प्रशासन मन्त्री अमनलाल मोदीलाई मन्त्री पदबाट हटाइने भएको छ । माओवादी केन्द्रबाट मन्त्री बनेका मोदीलाई पार्टीले फीर्ता बोलाउन लागेको हो ।

मन्त्री मोदीको ठाउँमा जनमत पार्टीकी अनिता देवी साहलाई मन्त्री बनाइने बताइएको छ ।

मोरङ्बाट निर्वाचित मोदीलाई कर्मचारी सरुवा गर्दा आर्थिक चलखेल गर्ने गरेको आरोप पार्टी भित्र लागेको छ । आर्थिक चलखेल गरेको आरोप लागेपछि पार्टी अध्यक्ष तथा प्रधानमन्त्री प्रचण्ड उनलाई मन्त्री पदबाट हटाउने निष्कर्षमा पुगेको माओवादी स्रोतले जनाएको छ ।

यद्यपी, कामभन्दा हल्ला बढी गरेको भन्दै भोजपुरबाट निर्वाचित सांसद, संस्कृती, पर्यटन तथा नागरिक उडड्यन मन्त्री सुदन किरातीको कार्य शैली पनि प्रचण्डले मन नपराएको स्रोतले जनाएको छ ।

त्यस्तै, सत्ता साझेदारी दल नेकपा एकीकृत समाजवादी  मन्त्री  किरातीसँग असन्तुष्ट देखिएको छ । समाजवादी नागरिक उडड्यन प्राधिकरणको महा–निर्देशकको विषयमा किरातीसँग असन्तुष्ट भएको हो ।