हामी सबैकाे संसारन्यूज

काठमाडौं । काठमाडौं महानगरपालिकाले भोली सार्वजनिक विदा दिने भएको छ ।

महानगरले एक सूचना जारी गर्दै शुक्रबार (भदौ १५ गते) पनि सापारु र रोपाइ जात्रालाई लक्षित गरी विदा दिने निर्णय गरेको जनाएको छ ।

‘शुक्रबारका दिनमा सापारु र रोपाई जात्रा समेत मनाउने प्रचलन अनुसार उक्त परम्परालाई निरन्तरता दिई महानगरपालिकाको मौलिक अमूर्त सम्पदाको संरक्षण गर्न संवत् २०८० भाद्र १५ गते शुक्रबारका दिन काठमाडौं महानगरपालिका क्षेत्रभित्र सार्वजनिक विदा दिने निर्णय भएको सूचना प्रकाशित गरिएको छ ।’ प्रमुख प्रशासकीय अधिकृत बसन्त अधिकारीद्वारा जारी सूचनामा भनिएको छ ।

त्यसैगरी आज जनैपूर्णिमा, रक्षा बन्धन, गाइजात्रा पर्वको अवसरमा आज सरकारले देशैभरी सार्वजनिक विदा दिएको छ ।

रक्षाबन्धन, जनैपूर्णिमा र गाईजात्रा पर्वको अवसरमा आज सरकारले देशभर सार्वजनिक बिदा दिएको छ।