हामी सबैकाे संसारन्यूज

काठमाडौं । काठमाडौंको मुटु मानिने बानेश्वरमा एकैपरिवारका तीनसहित ४ जनाको हत्या भएको छ ।

बानेश्वरको तीनकुनेस्थित गैह्री गाउमा रहेको काठमिल (दिव्यःसमिल)मा हत्या गरिएको अवस्थामा दोलखाका एकैपरिवारका तीनसहित चारजनाको शव शनिबार बिहान फेला परेको हो ।

डिआइजी तथा केन्द्रीय प्रहरी प्रवक्ता कुँवेर कडायतले दोलखाका एकैपरिवारका तीनजना र मोरङका एकजना गरी ४ जनाको शब काठ काट्ने मिलभित्र फेला परेको संसारन्युजलाई जानकारी दिए ।

हत्या हुनेहरुमा दोलखाका ५५ वर्षीय कुमार भुजेल, उनकी पत्नी सुभद्रा वाइवा र आमा ७० वर्षीया सुमित्रा भुजेल तथा मोरङ घर भएका १९ वर्षीय नवीन राई रहेका छन् ।

हत्या भएका चारैजना सोहि मिलमा कार्यरत रहेका थिए । घटनाका बारेमा थप अनुसन्धान गरिरहेको कडायतले जानकारी दिए । घटनामा संलग्न रहेको आरोपमा प्रहरीले एकजनालाई पक्राउ गरेको छ ।