Sansar News
काठमाडौं । रुपन्देहीमा मजुदरहरुबीच झडप हुँदा एक जनाको मृत्यु भएको छ । मृत्यु हुनेमा मकवानपुरको हेटौँडा घर भई रुपन्देहीको मंगलापुरमा डेरा गरी बस्दै आएका सुरेश स्याङ्तान रहेका छन् ।
झडपमा धारिलो हतियार प्रहारबाट गम्भीर घाइते भएका स्याङ्तानलाई उपचारको लागि अस्पताल लैजाँदै गर्दा मृत्यु भएको प्रहरीले जनाएको छ ।
मादक पदार्थ सेवन गरी दुई समूहबीच विवाद भई कुटपिट भएको भन्ने खबर प्राप्त हुनासाथ ईलाका प्रहरी कार्यालय मंगलापुर र ईलाका प्रहरी कार्यालय बुटवलबाट खटिएको प्रहरीले सुरेश समेत ४ जना घाइतेलाई उपचारको लागि मेडिकल कलेज भैरहवा पठाएको हो ।
घटनामा संलग्न नुवाकोट लिखु गाउँपालिका-४ बस्ने १९ वर्षीय रोमन तामाङ समेत १३ जनलाई प्रहरीले पक्राउ गरेको छ । उनीहरुसँग सोधपुछ र थप अनुसन्धान भइरहेको प्रहरीले जनाएको छ ।
वि.सं.२०८० असोज २ मंगलवार ११:२५ मा प्रकाशित
