Sansar News
कपिलवस्तु । आफ्नै बुवालाई चिर्पट प्रहार गरेर हत्या गरेको अभियोगमा एक व्यक्ति पक्राउ परेका छन् ।
आफ्नै बुवा ६० वर्षीय बल बहादुर परियारलाई चिर्पट प्रहार गरी हत्या गरेको अभियोगमा वाणगंगा नगरपालिका–८ पुलचोक बस्ने २६ वर्षीय बिकाश परियार पक्राउ परेका हुन् ।
घरायसी विवादको क्रममा बिकासले चिर्पटले प्रहार गर्दा बलबहादुर गम्भीर घाइते भएपछि ईलाका प्रहरी कार्यालय पिपराबाट खटिएको प्रहरीले उनलाई पक्राउ गरेको हो । बलबहादुरको सामुदायिक अस्पतालमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
वि.सं.२०८० असोज २ मंगलवार १३:१३ मा प्रकाशित
