Sansar News
काठमाडौं । प्रधानमन्त्री पुष्पकल दाहाल ‘प्रचण्ड’ र अमेरिकी सहयोग परियोजना एमसीसीकी प्रमुख कार्यकारी अधिकृत एलिस अल्ब्राइटबीच भेटवार्ता भएको छ ।
मंगलबार बिहान प्रधानमन्त्रीको सरकारी निवास बालुवाटारमा प्रधानमन्त्री ‘प्रचण्ड’ र अल्ब्राइटबीच भेटवार्ता भएको हो ।
सो अवसरमा एमसीसी परियोजनालगायत नेपाल-अमेरिका सहयोगका विविध क्षेत्रमा छलफल भएको थियो ।
भेटमा परराष्ट्र मन्त्रालयका प्रतिनिधिको उपस्थिति रहेको प्रधानमन्त्री ‘प्रचण्ड’का प्रेस सल्लाहकार गोविन्द आचार्यले जानकारी दिए ।
आइतबार साँझ काठमाडौं आइपुगेको अल्ब्राइटसहितको टोलीले यस अघि एमाले अध्यक्ष केपी शर्मा ओलीसँग पनि भेटवार्ता गरेको थियो ।
वि.सं.२०८० असोज १६ मंगलवार ०९:४७ मा प्रकाशित
