Sansar News
काठमाडौं । नेकपा एमालेका अध्यक्ष केपी शर्मा ओलीले केहीदिन अघि इन्गेजमेन्ट गरेका नेपाली टिकटकर आयुषसिंह ठकुरी र पाकिस्तानी टिकटकर अलिजेह जमालीलाई बधाई दिएका छन् ।
दुबईमा आफ्ना आमाबाबुलाई साक्षी राखेर आ–आफ्नो संस्कृति अनुसार इन्गेजमेन्ट (टिकाटालो) गरेकोमा बधाई दिँदै ओलीले लेखेका छन्– ‘मायाले जातिको, धर्मको, देशको सीमाको पर्खाल पनि नाघेर उचाइ लिन्छ । यसले जाति, धर्म, सम्प्रदायमा भिन्नता होइन समानता खोज्न सिकाउँछ । उनीहरूलाई बधाई छ ।’
केही समयदेखि आफ्नी प्रेमिकासँग दुवईमै रहेका टिकटक स्टार आयुष र अलिजेका परिवारबीच एक समारोहको आयोजना गरी दुवैजनाले इन्गेजमेन्ट गरेका हुन् । टिकटकर आयुषले इन्गेजमेन्ट गरेको फोटो सार्वजनिक गर्दै लेखेका छन् ‘मुझे मेरी रानी मिलेगी’ उता उनकी प्रेमिका जमालीदे पनि ‘प्रमिस रिङदेखि इन्गेजमेन्ट रिङसम्म ।’ भन्दै स्टाटस पोस्ट गरेकी छन् ।
वि.सं.२०८० असोज २० शनिवार ११:४३ मा प्रकाशित
