हामी सबैकाे संसारन्यूज

इन्दिरा रेग्मी, नुवाकोट, अमारे

१.

सकुन्जेल थोरै थोरै कमाउनु पर्ने रहेछ
पछिको साहारा पनि जमाउनु पर्ने रहेछ
खुसीहरु कतिबेला खोसिन्छन् थाहै हुँदैन
बाँचुन्जेल मोजमस्ती रमाउनु पर्ने रहेछ ।

२.

कुइरे गोरे देख्नै नहुने हुरुक्कै दाम्लो कसेका छौ
नेपाली हेर्दै नहेर्ने भन्दै विदेशी कुरेर बसेका छौ,
बुटामा पैसा फल्दैन गाँठे सात समुद्रपारी पनि,
चिन्नु न जान्नु पैसाको लोभमा धेरै फसेका छौ ।

३.

कहिले बाँड्ने कहिले फेरि माग्ने दिन आउँछ
दशा बिग्रिएपछि रुँदै–रुँदै भाग्ने दिन आउँछ
धन बल रुपको कहिल्यै कसैले घमण्ड नगरौँ
भएकै शरिरको पनि बोझ लाग्ने दिन आउँछ ।

४.

भोग्नुपर्ने नगरेको पाप यही जिन्दगी रहेछ
मरेपछि हुने नै पश्चात्ताप यही जिन्दगी रहेछ
यसो ग¥यो उसो ग¥यो आउँछन् हजार चाहना
पार्नु पर्ने सपना सखाप यही जिन्दगी रहेछ ।

५.

पानी बराबार साँध सँधियार मजाका छन्
स्वार्थी भँडुवा दम्भी मतियार मजाका छन्
बन्धनको चन्दनमा रमाइलो छ वामेहरूको
च्वाट्ट घाँटी काट्ने हतियार मजाका छन् ।