Sansar News
सिमकोट (हुम्ला) । हुम्ला सदरमुकाम सिमकोटमा जिप दुर्घटनामा परी घाइते भएका यात्रुको नेपाली सेनाको हेलिकप्टरमार्फत उद्धार गरिएको छ । गम्भिर घाइते तीन जनालाई उद्धार गरी बाँकेको नेपालगञ्ज लगिएको छ ।
सिमकोटबाट ठेहेतर्फ जाँदै गरेको बा२१च ७३५३ नं को जिप मानसरोवर मावि नजिक दुर्घटना हुँदा चालकसहित नौ जना घाइते भएका थिए ।
दुर्घटनामा गम्भिर घाइते भएका सिमकोट गाउँपालिका-२ का वडाध्यक्ष ३७ वर्षीय, देवजङ बोहरा, सोही गाउँपालिका वडा नं ३ का वडाध्यक्ष ३५ वर्षीय पामा लामा र वडा नं का ४ का ध्रुर्वबहादुर शाहीलाई हेलिकप्टरमा नेपालगञ्ज लगिएको जिल्ला प्रहरी कार्यालयले जनाएको छ ।
सामान्य घाइते यात्रुको जिल्ला अस्पतालमा उपचार भइरहेको छ ।
रासस/फाइल फोटो
वि.सं.२०८० असोज २१ आइतवार २२:२८ मा प्रकाशित
