हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए) को केन्द्रीय सचिवमा बाग्लुङ घर भइ हाल कतारमा रहेका होमनाथ शर्माले उम्मेदवारी घोषणा गरेका छन् ।

झण्डै २६ वर्षदेखि कतारमा रहेर विभिन्न नेपाली संघसंस्थामार्फत् सामाजिक सेवा सक्रिय रुपमा लाग्दै आएका शर्माले अन्तर्राष्ट्रिय बागलुङ सेवा समाज कतारको आयोजनामा सम्पन्न उम्मेदवारसँग अन्तरक्रिया कार्यक्रमको विचमा सचिव पदमा आफ्नो उम्मेदवारी घोषणा गरेका हुन् ।सो समाजका संस्थापक अध्यक्ष तथा संरक्षक समेत रहेका शर्माले उम्मेदवारी घोषणा गर्दै आफ्ना प्रतिवद्धता र उम्मेदवारी घोषणा गर्दै आफ्ना मुख्य प्रतिबद्धता समेत सार्वजनिक गरेका छन् ।

सन् २००३ मा कतारमा एनआरएनएको स्थापना भएदेखिनै संघमा आवद्ध रहेर काम गर्दै आएका शर्मासँग बागलङ सेवा समाज कतारको संस्थापक उपाध्यक्षसहित २ कार्यकाल अध्यक्ष भएर काम गरेको अनुभव छ ।

शर्माले सचिव पदमा उम्मेदवारी घोषणा गर्दै ७ बुँदे प्रतिबद्धता सार्वजनिक गरेका छन् । जसमा सुरक्षीत र मर्यादित वैदेशिक रोजगार, सामाजिक सुरक्षा कोषको सदुपयोग बिदेशमा सिकेको ज्ञान्, सिप र आर्जेको धनको स्वदेशमा सदुपयोग, समृद्द नेपालको परिकल्पना, एनआरएनएको खस्किएको साखलाई सुधार्दै आम रूपमा दिगो एकता सहितको स्मार्ट एनआरएनए, श्रमिकको प्रत्यक्ष हित हुनेगरि सहयोग र उद्दार कार्य, एनआरएनएको परिभाषा भित्र पर्ने सबै नेपालीलाई फ्री सदस्यता, फ्रीमा सबै डेलिगटेस सबैले आफ्नो नेतृत्व आफू भएकै ठाँउबाट अनलाईन मार्फत प्रत्यक्ष नेतृत्व चयन गर्ने पाउने लगायतका प्रतिबद्धता सार्वजनिक गरेका हुन् ।